كلمات منظره

داخل كده ومركب وش
عامل غامض ماشي بشويش
مناخيره فوق فا مش شايف
لزوم المنظره بقا معلش

صوره بالفورمه ولسانه بره
كلمه انجليزي كده كام مره
سايق عربيته ومسقط كتف
وفي الحورات بطل القاره

منظره منظره فاضيه
وعنين فارغه ناس عايشه تمثل
منظره وكدب عادي
علشان شكله يبيع بيته ويعزل

عامله كلاس ولاوني اشك
بسبب الكعب اهي ماشيه تزك
اهم حاجه براند الشنطه
مصاريف الشهر تضيع ع اللوك

قاعده في كافيه ويا الشله
و القاعده كالعاده ممله
في ميعاد الصوره تموت من الضحك
وع النت بسرعه تنزلها

دي بتضحك ضحكه بطه
وده اشيك واد في الحي
سموكي سبايسي يا شطه
وبقوا بياكلوك ياسمك نيي
لبسه وساعته ونضارته اهم
نفسيته من جوه تجيب الغم
في الناس مقضيها مزاوله
الله يرحم معرفش الدوش الا في الطاوله

السذاجه تبقى فاكر
الفلوس دي كل حاجه
اللي ظاهر والمظاهر
ساعات كتيره بيخدعوا

وفي حياتك كام حلم عدى
وقولي فيه كام قطر فاتك
كل يوم ع الفاضي ضاع
مستحيل هترجعه