كلمات هي دي مصر
انت عارف يعني ايه ارضك تلمك
ذكرياتك ضحكتك حبك لامك
الجيران الطيبين مدارسنا واحنا صغيرين
هو ده اللي اسمه الوطن لما يضمك
هي دي مصر اللي بحياتنا نفتديها
مصر اللي من غيرها ما نسوا ولا لينا لازمه الا بيها
هي دي مصر اللي بحياتنا نفتديها
مصر اللي من غيرها ما نسوا ولا لينا لازمه الا بيها
من كل لون او دين يا مصر شعبنا
مسلم مسيحي قلب واحد كلنا
احنا اللي وحدنا الاله حبك ده مفتاح الحياه
اسمك بس نبض روحنا عشقنا
هي دي مصر اللي بحياتنا نفتديها
مصر اللي من غيرها ما نسوا ولا لينا لازمه الا بيها
بنحبها لو حتى يوم تعبنا منها
نشتكي منها وليها في حضنها
واما نسافر كلمه عنها تهزنا
هي قيمتنا وعزنا من مجدها وعزها
يا مصر ده انتي الست مع شمس الاصيل
قعده صحاب في المغربيه عليك يا نيل
ضحكه هزار ابن البلد مصري تناديه يصبح مدد
شعبك يا مصر في الخطر حر واصيل
حس بترابها اللي اغلى من الدهب
وشوف كتابها اللي التاريخ عنه انكتب
هي التاريخ صوت الزمن والحل في سنين المحن
وهدنست وطببت حكمه وامان
شوف دفعتك في الجيش وعشرتكوا الطويله
جمعتكوا خيمه ومجدعه وروح البطوله
صبح شهيدها في الوطن سيرته البطوله والشجن
روحه بترفرف خلود على مصر الجميله
حصه موسيقى واحنا بنغني بلادي
ذكرى جوه القلب يا عشقي وزادي
رسمنا مصر صغيرين علم ونيل ونخلتين
وجنود يصلوا الفجر ويحاربوا الاعادي
الوطن يا مصر بيت مليان حنان
وعيله بينها الحب والشوق والامان
نمد ايدنا لبعضنا ونبقا واحد كلنا
الاصل مصر مفيش لا انت ولا انا
يا مصر اه لو تعرفي حبك ده ايه
بنحب فيكي فقيره دقه وبنت بيه
في الصعيد او بورسعيد سينا والوادي الجديد
ده انتي عشق في دمنا بنموت عليه
جايز تكون تعبان شويه مش سعيد
لكن نهايه صبرنا وعد واكيد
اللي بيتعب بالحلال ابن البلد زينه الرجال
ربك ولازم ينصره عليه شهيد
قلبين ما بينهم سهم يا مصر اترسم
قلبي اللي حبك مهما فاض بيه الالم
وقلبك انتي وذكريات لعب الولاد ويا البنات
طابور الصبح واحنا بنحيي العلم
بصوا حواليكم افهموا معنى اللي جاي
ازاي تكون جوه الوطن عايش امان
لا حرب تكسر نفسنا ولا شعبنا ولا مصرنا
لا حد يلمس ارضنا ويحكم كمان