كلمات ما كان باقيله شئ

إوعى تنسى إنهم قالوا مش هنسيب وسابوا
قالوا مش هنغيب وغابوا
كان كل شئ بيملل بالبطئ
وإكمن قلبي حبك كان غريب
وإدينا أها عايشين عشمانين في لحظة لقى
وأديهم محتاجين ومش باقي لي إلا أنا
والكل راح واختار النار وساب جنتك
حبيبتي لو عليّ أموت نفسي عشان أشوف ضحكتك

هاتي إيديك حبيبتي هاتي إيديك
لو كان بالسهل إني أبعد كنت يوم إبعد وأجي لك
لو كان بعد المسافة فرق بينا كنت أستسلم
لو كنت عايش ع اللي باقي كان زماني ميت
محدش إختار إنه يرمي كل ذكرى في قلبه
لكنه اختار الوحدة لما حس الكل سايبه
لكنه كان وحيد وكان غريب من صغره
بس النهار ده مكانتش أول مرة اشتاق لك وأتعب برضو
كل شئ إسود كل شئ بنيته إتهد
كل حد اختاره حد وأنا محدش يوم اختارني
كل شئ لمسته باظ فلو أمكن تخسرني
مش هتخسر كله ساب إيدك وكانت سهلة
وفضلت من ساعتها أقول هخف من النهار ده
كان نفسي أبطل أحكي ديما نفسي أبطل أسهر
لكني حالتي كل يوم بتصعب أكثر وأكثر
كل يوم بتصعب أكثر وأكثر

ما كان باقي له شئ
غير سهرة ونجمة في ليل
يصرخ بعلو الصوت
مش سامعينه ليه
كل حيطان الأوضة شاهدة
ع الشوكة اللي كانت وردة
ريحة الخوف ع المخدة
بتدق الأجراس وتعلن إنه مات ثاني النهار ده

ما لها بينا الدنيا ما لها بينا
عمالة تقلب في المواجع وتنكد علينا
مكنتش يوم أستاهل كل شئ شفته في حياتي
مكانش حد ملاحظ إني بموت وساكت
حتى إنت يوم ما قلت في يوم استني روحتي وغيبتي
زعلان على كل ضحكة وكل ذكرى بتعشمني
بترجعني أفكر وأتعب زي زمان
بترجعني لوحدي بتفكرني ديما باللي فات
كان كل حل قصادي صعب مكانش عندي غيرك
بهرب في حضنك وقت زعلي لما أشتاق أجي لك
مستني يوم نتقابل وتشوفيني في صدفة بضحك
مستني لما الكل يقول لك إني بخير من بعدك
يا كل حد سابني لوحدي في لحظة احتاجته فيها
يا طفل اختار الغربة وكان بيهرب من الحقيقة
كبرت أهو دي الوقتِ أنا مبقتش فاهم
أنا مبقتش عارف أنا ميت ولا عايش

الحب بوظ كل حاجة وقال خلاص وابتسم
شغبط بسواد حياتي على كل حلم اترسم
كان نصيب واتقسم كل شئ كان ناقص شئ
مبينلهاش شمس المرة دي باقي حياتنا ليل

وما كان باقي له شئ
غير سهرة ونجمة في ليل
يصرخ بعلو الصوت
مش سامعيني ليه
كل حيطان الأوضة شاهدة
ع الشوكة اللي كانت وردة
ريحة الخوف ع المخدة
بتدق الأجراس وتعلن إنه مات ثاني النهار ده
آه مت ثاني النهار ده
مت ثاني النهار ده
مت ثاني النهار ده يايا