كلمات ظبي الجزيره

شوفه يشابه شايف الطيف علما وظني حالمنه
غاوي مزاجه ويطرب الكيف سيل المشاعر داعبنه
شفته ولأن القلب هزيف ظبي الجزيره مصوبنه

ماهو طبيعي حسنه مخيف تل الخفوق وسالبنه
عينه هدبها ضرب حريف صابن وقلبي ماخطنه
دعج المبارق والخشم سيف والجمر ثغره حامينه

رويان عودة معزل رهيف واليل متنة كاسينه
غض الصبا حلو التغضريف غر خفوقي عاشقنه
وان هب لي من داره مريف قلبي هجوسه حركنه

فاق المعاني والتواصيف عذب القوافي غازلنه
قربه شفا للعاشق وريف مني الهوى وياليت منه
ومحبة من دون تكليف تخلق هوى الحاسد وظنه