كلمات عنيد الرموز

يوم الختامي له الأنظار لماحه
واهل الهجن كل منهم شد له حيله
كل يبي له حظوظ تضمن ارباحه
وتجي على ظن تخطيطه وتحليله
من غره السيف والقرطاس ورماحه
لا يضمن الليل والبيدا ولا خيله
شوط الظهر عندنا قفله ومفتاحه
ياويله اللي يفكر فيه ياويله

بالسيره اللي فرق فيها على جيله
قولو لهم يكتبون اسمه على وشاحه
ولا يحطون فالثيل تمـاثيله
الرمز كل عليه يزهب سلاحه
وان حضر الهرش خلاهم على ويله
تحليل قبل الركض كنه من اشباحه
ولا عقيد يصدد من فناجيله
لاحضروه الظهيره جاك بالراحه
طرب ولا من مشى كنه على ميله
ماهوب في حالة التحضير والساحه
لكن من عال ما مشى له العيـله

طرق وكنه يقول الليله الليله
في شوطه الهجن سراقه ومزاحه
تسجيلهن مزح ومباراتهن حيله
من طمع في سبقته مازان مرواحه
كود يترزق من الله في محاصيله
لا اقبل على الخط كنه يسمع امداحه
يجي من اقصاه وامداحه تباريله
كنه عديم ومى راعيه ملواحه
تقول برج المنصـه فيه داعي له
يطرب على لمة الجمهور وافراحه
ومنافسينه تحييه وتهني له
امعود الزعفران يعطر مراحـه
ومعلم العامل يكثر معاميله
ومخلي الشاعر اللي فر مسباحه
يفر الافكار وينقي تماثيله
اللي هله للـزوم العسر نطاحه
ملزوم للفعل ذا واللي يجاريله
المجد ناتيه جو و بر و سباحه
وش عاد رمز كسبناه ونغني له