كلمات فين يوجعك

صبرك شوية وبكرة تتفرج عليّ
لما أجرحك وساعتها شوف مين ينفعك
وما تفتكرش إنك هتصعب يوم عليّ
ده أنا كل يوم هجرح وأشوف فين يوجعك

لو كنت آخر حد جنبي هضحي بيك
والدنيا لو وقفت عليك مش هبقى ليك
ده أنا ممكن أخسر قلبي لو فكرني بيك
وأخسر حياتي لو هتفضل لسه فيها

لا كله كوم وحكايتي برضه أنا وإنت كوم
أنا أحب فيك وإنت اللي تجرح كل يوم
يمكن عشان حبيت زيادة عن اللزوم
خلصت حكايتي معاك مفيش حاجة حلوة فيها

أنا كنت راضي معاك بكل اللي إنت قلته
من كثر خوفي عليك لا تخرج من حياتي
وجرحت قلبي كثير وفي الآخر خسرته
وبعدت برضه ولا حياة لمن تنادي

كان فيّ حب كبير وجيت بإيديك قتلته
وعلى العموم خلص الكلام ده وعدى وقته
راجع فاكرني ده كله هرجع ثاني أعيده
ما أنا كنت جنبك بس يالاه خلاص نهايته

مش هنسى يوم ما بعدت عن قلبي ونسيته
وإن إنت هديت كل شئ أنا يوم عملته
صدقني حتى دموع عينيك ما بقوش يفيدوا
وأنا وإنت مش ممكن هنرجع ثاني برضه

لا كله كوم وحكايتي برضه أنا وإنت كوم
أنا أحب فيك وإنت اللي تجرح كل يوم
يمكن عشان حبيت زيادة عن اللزوم
خلصت حكايتي معاك مفيش حاجة حلوة فيها