كلمات بعترف

محتار ، من وين بلش حتى وين إنهي؟
كل ما مر بفترة ، بكتفي بإني إنوي
عالرجوع عالطريق ، و يا لطيف شو طوّل
شو اللي مانعني إني إرجع متل أول؟
وين؟ أيام الضمير يلي صاحي؟
ليه منضل نقولا؟ زمان أول تحول؟
أهلي فوق راسي ، و صحابي ورد معطر
النعم عم تغمرني ، شو لسا بدي أكتر؟
بعترف ، إي بعترف ياما و ياما بكفر
إنت اللي سامعني ، فكيف فيني أنكر؟
مع هيك ، ما نسيتني .. لساتا قوتك جمبي
عم بمشي و عم قاتل .. كله بفضلك يا ربي
هالقصة بحكيّا علسان اللي بعمري
من شب أو صبية عانوا من وسواس قهري
هالعالم نجستني .. يا ربي صبرني
و بوجود عونك ، فجبل ما بيهزني
بعرف حالي فاشل لو كنت بعيد
بعرف لولا قوتك يا ربي ما بسميها قويت
بعترف إني بقربي منك بحياتي رح كون
مرتاح البال و الضمير و السعادة بتدوم
بعرف حالي فاشل لو كنت بعيد
بعرف لولا قوتك يا ربي ما بسميها قويت
بعترف إني بقربي منك بحياتي رح كون
مرتاح البال و الضمير و السعادة بتدوم
بذكر وقت كنت صغير ، يا ويلي ما أحلاها
هالدعوة تطلع من قلب نضيف يا ما أنقاها
توصل لعندك طاهرة ، نضيفة مالا نجس
و هلق عم شوفا .. يا ربي كلا دنس
ما ذنبي ، هدول الناس هن اللي وسخوني
أنا نضيف من جوا ، لك هن الأجبروني
يا ربي شوف عبادك ، هن بيضطرونا
لنتغير من جوا ، عمى الكره كل عيوننا
انفصام شخصيات ما شخصية صابوني
ساعة بئمن و بخاف ، ساعة بطنش كل ظنوني
إني ماني محتاج ، حتى إني صلي
بروح بنتكس نكسة بتربى فبرجع لأصلي
و بلاقي حالي بين إيدين ربي ، ساندني
بس ربي ما بيخيبني ربي رجع ساعدني
و بكل وقاحة بتتكرر دوامة النسيان
صلاتين تلاتة بالنهار ، أقصاها يا رحمن
بئذي هاد ، بهدد هديك ، بقاتل هاد ، بخوف هديك
تاني يوم بصحى بوعى ، شو يلي صاير فيك؟
بيسألوني ، ما بجاوب ، شخص تاني اللي حكى هيك
ضايع تايه؟ مهما كان ، لكن ما بفقد الأمل
البشر لمّا بتزعل منّا بتغرس روسنا بالوحل
لكن ربنا أرحم بعباده ، برحمة وسعت الكل
لو مهما تأخرتوا؟ ارجعوا ، رح يسمع و يهل
بعرف حالي فاشل لو كنت بعيد
بعرف لولا قوتك يا ربي ما بسميها قويت
بعترف إني بقربي منك بحياتي رح كون
مرتاح البال و الضمير و السعادة بتدوم
بعرف حالي فاشل لو كنت بعيد
بعرف لولا قوتك يا ربي ما بسميها قويت
بعترف إني بقربي منك بحياتي رح كون
مرتاح البال و الضمير و السعادة بتدوم