كلمات بياعين الصبر

يا بياعين الصبر
شيلولي مناب
ده حبيب القلب ناسي
وأنا فاكراه
ادوني كمان شوية طولة بال
على تعب الحال
وأنا بستناه
يابا نار الهوى غلابة
والذكريات متسابة
على قلبي مش رحماه
يابا قلبي وتر في ربابة

ياللي إنت رايح عنده خد وياك
مرسال من قلب عاشق شوقه ضناه
وخد معاك دموعي من المناديل
وآهات الليل وحنين للقاه
يابا نار الهوى غلابة
والذكريات متسابة
على قلبي مش رحماه
يابا قلبي وتر في ربابة
بيغني على ليلاه