كلمات يا حي صوتك
يا حي صوتك يا بعد كل الاصوات
اللي الى منك تكلمت ضاعت
ضاعت بك اصوات وسنين وحكايات
وشريت لاجلك . روح للغير باعت
جفت بهم . واختارتك انت بالذات
واتمسكت بك قد ماهي استطاعت
روحن تفكر فيك في كل الاوقات
ياما ضمت من شوقها لك وجاعت
يا مشبع روحي توجد واهات
الروح ملت انتظارك ولاعت
روح تشوفك غاية المستحيلات
رغم الظروف اللي عليها تداعت
تعال يكفيني من الوصل نظرات
ترى شموع الصبر ذابت وماعت
ذابت حروف احساسها لك بالابيات
وصرخة شقاها في المعاليق شاعت
تعال اسمع صوتها بين الاصوات
اللي الى منك تكلمت ضاعت