كلمات انا مش بخير
انا مش بخير
واقع في محنة وتجربة وأزمات كتير
والجرح سايب جوه روحي وجع كبير
مش لاقي كلمة حتي توصف موقفي
وهاقولك إيه
طب ما انت عارف اللي قلبي معدي بيه
طب ما انت حاسس اللي نفسي يارب فيه
الحقني أرجوك قبل روحي ما تنطفي
وبندهلك
متكسفنيش
ومن فضلك
متخذلنيش
بايدك حن واسندني
وطمني وعوضني
ومتسبنيش
بتمني يوم
ارتاح من التفكير ومن كتر الهموم
واقدر اكمل تاني بيك واقدر اقوم
والحزن يهرب من حياتي ويختفي
انا املي فيك
اتهد حيلي وجايلك بسند عليك
لكن يارب بلمسة واحدة من إيديك
كل اللي مكسور جوه مني هيتشفي