كلمات راعي الصد

والله لجازي راعي الصد بالصد
وأصد عنه وكنه ما هو موجود
أول معه أمشي إلى أبعد الحد
وأعطي وفا وإخلاص ما هو محدود

لكن لقيته ما يبادلني الود
ويجزى العطا مني بنكران وجحود
بابٍ فتح به هموم واليوم ينرد
ما في بقايا الأمس يا وقت لي زود

وقفت في وجه الهوى وقفة الند
أبقى وعز النفس ما هو مفقود
طويت حلمٍ فات في راحة اليد
تركت دربٍ كان مفروش بورود

درسٍ وعاه القلب من صفعة الخد
الغدر ما هو بس في أيامنا السود
والله لجازي راعي الصد بالصد
وأصد عنه وكنه ما هو موجود