كلمات قهرة قلبي
آه يا قهرة قلبي ويا كترة جروحه
بعد منكوا أنا قلبي مش حاسس بروحه
كل حاجة هتجرا ليا جت في بالي
بس عمري ما جه في بالي يوم تروحوا
مستحيل أنساكوا مهما تفوت ليالي
ده إنتوا أغلى الناس ومين بعديكوا غالي
بعد منكم هلقى راحتي في حضن مين
ذكرياتي معاكوا مين هينسيهالي
بعد الحبايب عننا بيهد فينا
والحياة بعد الفراق ضلمة في عينينا
الفراق مش بس عذبنا وجرحنا
الفراق موتنا موت خلص علينا
صعب أعيش وأنا قلبي محروم من لقاكوا
بعد ما إنتوا مشيتوا نفسي أروح وراكوا
كنتوا عمري وكنتوا أقرب ناس لقلبي
كل حاجة حلوة فيا راحت معاكوا