كلمات وقت الغروب

وقت الغروب ومنظر الشمس جذاب
محلا الطبيعه والشفق عند لمغيب
عم السكون وريف النود ينساب
يحمل هواه من الصحاري شذا طيب
تسمع حنين النوق في كل مسحاب
همس الفيافي والنسجام العراقيب
ومنادمات قلوب وشواق وعتاب
وملاطفات الود بين المحابيب

فيض المشاعر تنثني بالتراحيب
ظمت لايادي كف من طول وغاب
ياللي خدوده كنهن نزغت الحيب
مملاية الساقين والرمش نهاب
تذهل اعقول اللي يذلوا المصاعيب
تدمي الجروح اللي بها يلحق الناب
نشمية حاطت مراح السلاهيب
لمظمرات اللي طويلات لارقاب
تمسح وبرهن وروت الكف بالطيب
حورية تسكن على راس مرقاب
ياللي على السمعه يحثوا المناديب

وحيت هشيم الروح عقب التعذيب
لا شك كل شيئ له اقدار وسباب
ولا شك من لمقدر ايصير ويصيب
يامعذبي قلبي من الهم ما طاب
بس بوجودك يسكن القلب ويطيب
لا تحرم المشتاق يا زد لاحباب
ورحم امحب مخطر بهمه ايشيب
ظفى الدجى لين اختفت شيفة الباب
غاب الشفق لاحمر وقفو ا المعازيب