كلمات ما كانش عشمي

ما كانش عشمي ولا كان ظني
تنسى ودادي وتبعد عني
يا اللي الفؤاد احتار في غرامك
بعدت ليه؟ إيه بان لك مني؟!

قلبي اللي هواك إحتار وياك
ومريض حاله في غرامك
لا اتهنى معاك وفرح برضاك
ولا قادر ينسى أيامك
وازاي جفيتني .. ما كانش عشمي
يا اللي نسيتني .. ما كانش عشمي
ياريت تقول لي وتطمني
ما كانش عشمي
ولا كان ظني
تبعد عني

خليتني شكيت من طول ما قاسيت
يا ناسيني وناسي ودادي
وانت اتهنيت وأنا اللي بكيت
من هجرانك وسهادي
يا اللي بعادك .. ما كانش عشمي
راح فين ودادك .. ما كانش عشمي
أحتار انا وانت متهني
ما كانش عشمي
ولا كان ظني
تبعد عني