كلمات الفستان الاسود
✍️ كلمات: عادل عمر
🎼 ألحان: حميد الشاعري
ياام الفستان الاسود شكلك حلو وعاجبنى
شعرك وحزامك وقوامك واللون الاحمر فى ايشاربك
بيدفى عيون اللى يشوفك ويصحى الشوق اللى فى قلبك
الكحل الظالم فى عيونك والعقد الحالم فى رقبتك
على صدرك نايم بيصونك وبيحلم انه فى مملكتك
الحلق اتشبك فى ودانك والورد اتولع فى شفايفك
عبيرك طاير بيغنى ويسلم على كل معارفك
الليل يتعاجب برموشك والنور بيلالى على خدك
والحسن اتشرف بجمالك ويقول ولا زيك ولا قدك
انا باشكر عينى عشان شافت وبهنى القلب عشان قالى
غنيلها بحسن وصوت خافت واسألها ايه اللى حصلى