كلمات بعد عمري Baad Omry

أحبك يا بعد عمري

وأحب اللي يحبونك

وأحب أهلك وجيرانك

وكل الناس من شانك

وأحب الأرض لي توطي

عليها تمشي بهونك

وأحب بلاد مسكنكم

وأحب الدار وأوطانك

وأحب البلبل الشادي

بأجمل وأعذب لحونك

وأحب الناسم الغربي

إذا هيج لك أشجانك

وأحبك عد ما غنّا

حمام الورق بغصونك

وأحبك عد ما تشدو

طيور الحب بألحانك

وأحب الليل والنجمه

يلي تضوي على لونك

وأحب الصبح واشراقه

يزيح الهم وأحزانك

وأحب الشمس والقمره

ترى ما تنور بدونك

وأحبك عد ما توقف

وما تجلس بديوانك

وأحب أرسم تعابيري

وأشوف السحر بعيونك

وأحب آصوّر البسمه

وأشوف الدر بأسنانك

وأحبك عد من غنّا

وما لحّن من فنونك

وأحبك يا بعد روحي

عدد ما ينطق لسانك