كلمات بلدي

كلمة وبقولها من جوه قلبى مبقتش قادر عنك أخبى
مرتاح وراضى طول مانتى جمبى لو حتى جرالى إيه
لسه الليالى قدامنا جاية نفرح شوية نتعب شوية
عمر اللى بينا ما يهون عليا لو حتى جرالى إيه
بلدى حرة يا بلدى عظيمة يا بلدى حبيبتى يا بلدى
بلدى حلمها حلمى همها همى علشانها بغنى

لو يوم بتتعب تسند عليا وتقوم وتمشى إيدها ف إيديا
ده انا عمرى كله علشانها هيا لو حتى جرالى إيه
لو بمشى سكة هيا ف اخرها لو بنسى نفسى أنا بفتكرها
لا بمل منها ولا أحب غيرها لو حتى جرالى إيه
بلدى حرة يا بلدى عظيمة يا بلدى حبيبتى يا بلدى
بلدى حلمها حلمى همها همى علشانها بغنى

بشتاقلك ومخلصلك
إنتى حلمى وأنا صوتك أنا حضنك ف عز خوفك
حرة يا أرض الياسمين حرة يا أرض النيل حرة