كلمات مستحيل انساك
✍️ كلمات: احمد بن ظاهر
🎼 ألحان: مشعل العروج
على كثر الهموم اللي تجيني من هنا وهناك
حبيبي كل همي يهون يوم القاك قدامي
من اول ما نظر عيني يعانق بارق محياك
بشوفك تحتفل حتى الجروح وتسكن الامي
كاني في زمن غير الزمن لما اكون وياك
وكن العمر يبدا في لقاك وتشرق ايامي
احبك كل شي فيني يحبك يعشقك يهواك
ولا احد بالهوى مثلي متيم وهايم هيامي
عيوني مهجتي وروحي فؤادي منزلك وحماك
حياتي كلها لاجلك غرام وعشق متنامي
بروحي والعمر اشري هناك وبسمتك ورضاك
اموت ولا احتمل دمعة تجرح خدك السامي
انا صحراء الجفاف اللي تمنت في ظماها ماك
حرام انك مطر عمري وانا في دنيتك ظامي
يجوز انسى معك نفسي ولكن مستحيل انساك
لحبك خافقي يمشي قبل لا تمشي اقدامي
ولكن لو حصل شي لروحي وفرقت دنياك
ومت وما قدرت اني معك احقق احلامي
دخيلك بس سامحني ولا تبكي علي عينك
وكثر من دعا الرحمة وهذا منك اكرامي