كلمات المحتاج

يالله برزق مالحد فيه منه
ينسي المحتاج وش كان محتاج

ويا الله بمحتاج لياسد عنه
يذكر مواقفنا بدعوه وهو حاج

يالله بقاف يطلع الرزق منه
مثل مايطلع بالسماء النور لانباج

الليل موحش والعرب مستكنه
واللي يبي له درب ماعين سراج

لله فرض و للنبيين سنه
وللطيب درب وللرجاجيل منهاج

كنت احسب ان الناس للناس جنه
واثر القلوب لبعضها صالي الصاج

وا وجهي اللي ما لقى من يحنه
من منه العالم ومن بعض الاحراج

يا صاحبي لك صاحب خاب ضنه
اثر المثاليات تمثيل و اخراج

واللي بنا الابراج وده وكنه
يصير معلم في البلد مثل الابراج

لو كان يلبس تاج لا يحسب انه
محمد السادس ولو يلبس التاج

حنا نعرف الطيب ونعرف انه
هراج ابن تسعه وتسعين هراج