كلمات على وش القمر
على وش القمر
على صوت المطر
على كل الشجر هاكتبلك
هاكتبلك يا حبيبي
هاكتبلك ع الشوراع
وع الفجر اللي راجع
هاكتبلك يا حبيبي
حرفين من اسمي واسمك
وقلب صابه سهمك
هاكتبلك يا حبيبي
***
الدنيا تسمع مني
وأنا عنك باغني
واقول اسمك في قلبي
ألاقي الكون سامعني
ناديتك وانت جنبي
ورد عليا قلبي
وقال للدنيا حبي
حقيقة مش خيال
بشوق كل السنين
وبعد بحور حنين
اتقابلوا المشتاقين
بعد المشوار ما طال
***
فيه شيء بينك وبيني
تقولهولك عيوني
أكبر من حب عاشق
ومن شوقي وحنيني
كتبتك في الأغاني
طلبتك من زماني
دعتلك بالأماني
تسعد وافرح معاك
لو ينسوا اللي هاينسونا
حكايتنا واسامينا
هاتفكرهم يوم بينا
غنوة باقولها في هواك
على وش القمر