كلمات بالسلامة

الدموع الي تلاقيها نازلين كدة من عينيها.
اوعى تصدق دي لعبة ودي احسن واحدة فيها.
نسيت دبلة في ايديها ماشية بتتباهى بيها.
لو مش همك حكايتنا احسنلك تقلعيها.
احلام معاكي عيشتها كانت كذبة وصدقتها.
طول الطريق قلبي البريء كل المشاعر حسها.
كلمة بحبك قولتها وكانت غلطة كبير في وقتها.
وكل حاجة فكرتني بيكي رميتها وسيبتها.
كنتي فاكرة اني هفضل حاطط على عيني الغمامة.
مش شايف وبنسى كل حاجة بمجرد الابتسامة.
بالسلامة مش عايز اعرفك تاني ليوم القيامة.
كملت معاكي للنهاية ومش ندمان على الشهامة.
انسي كل شيء مابينا وانسي كل حاجة.
انسي الحب والحنية وبلي الطيب والسذاجة.
مش هموت بعدك ومش هايتغير في قلبي حاجة.
انتي ايه مابتحسيش ولا مشاعرك دي ثلاجة.
عايزاني ازعل عليكي وكمان احس بيكي.
انتي اصلا اتفه من اني اتكلم عليكي.
قلبي الي كان ايام زمان لعبة ف ايديكي.
مستحيل يحن ويرجع تاني ليكي ويحس بيكي.
كانت احلام وذكريات من بعد جرحك قلبي.
بس اسمعيني هاوعدك من النهاردة مافيش سكات.
من الحياة الي عيشتها اتعلمت كتير حاجات.
بس اكتشفت بعد جرحك ايه هو معنى الآهات.
صعبان عليا قلبي كل قصة حب يدخل فيها...
يرجع تاني منها مجروح.
كل ما تحب حاجة تتحول تبقى ذكرى...
قدام عيني يا قلبي وبتروح.