كلمات يا احمد

يا احمد خفوقي غدى في يدينها لعبه
‏‎لعب الهوا في غصون الراك لا مالت
‏‎وهي في قلبي تمركز في طرف شعبه
‏‎وذكرى غلاها ليا ذا الحين ما زالت

‏‎قولوا لمحبوبتي نفس العنا تعبه
‏‎وان قلتوا الها ابا اعرف ايش هي قالت
‏‎الى متى هالخفوق يعيش في رعبه
‏‎وشلون يركد شعوري والغلا فالت

‏‎الحب حاكم طغى ظلمه على شعبه
‏‎والنفس تشكي على ظلمه ولا احتالت
‏‎يا بنت انا صعب ودموعي بعد صعبه
‏‎من قو عزمي ليا ذا الحين ما سالت

‏‎ان كنتي الزين من راسه الى كعبه
‏‎نفسي لحب المكارم والعلا نالت
‏‎الله يحرم عذولي شوفة الكعبه
‏‎ياللي يدينه اذا طال القفا طالت

‏‎لو كل من شافت عيوني تولع به
‏‎ما صرت كني غصون الراك لامالت
يا احمد خفوقي غدى في يدينها لعبه
لعب الهوا في غصون الراك لا مالت