كلمات سر الحياة
مين قال الحق سهل يتشاف
والفرق واضح مفيش اختلاف
مين قال الصح بكُتر اللي صدق
بخاف من الثوابت، وده عندي مبدأ
مين قال اللي عاشق بكٌتر المناهدة
مين قال اللي واصل بيوصل معافرة
مين قال التفكير ضد التسليم
والحب بسيط من غير تفاصيل
يمكن مش فاهم انا مين
يمكن طبع البني آدمين
آسف
بس معنديش سر الحياة
مين قال الأحسن هو اللي فاز
وإياك تخالف مانت بيتك من إزاز
مين قال الأزمان لازم تتعاد
ولكل محنة فيه درس مستفاد
والحب اللي كان سكوت عن المشاكل
الموضوع بسيط ليه يابني بتتسائل
سيب حلمك الكبير وانسى التغيير
بلاش بم تفسر، خليك في التعبير
يمكن مش فاهم انا مين
يمكن طبع البني آدمين
يمكن مش فاهم انا مين
يمكن طبع البني آدمين
آسف
بس معنديش سر الحياة