كلمات فات المعاش

الدنيا بتخبط فينا .. يوم حلوة و يوم بنت لذينة
فرحانة و هي بتأذينا .. مبسوطة و دمنا بيفور

أعصاب الدنيا ف تلاجة .. و هقولك ايه مش محتاجة
اعتبر اني مقولتش حاجة .. و نخلي الطابق مستور
فات المعاش مات اللي عاش من غير ما يعيش بجد
فات المعاش و لما فات لَبّسنا في حيطة سد
فات المعاش مسابش كاش و خلاص هنروح بلاش
فات المعاش و خَد معاه الكل مسابش حد
الدنيا عايزاك تختار ..انت اسد و لا انت الفار
الموضوع محتاج لقرار .. في الحالتين انت اللي اخترت
و عشان كده في شمال و يمين .. ناس شقيانة و ناس نايمين
ناس واقفة ما بين الاتنين .. تتأنعر بسجاير فرط