كلمات لا تواعدني

لا تواعدني بتبقى ثم عن عيني تغيب
غيبتك توجع عساني من وجودك ماخلا

الغياب اللي بدون اسباب او غلطه حبيب
مايعوضني عن اوجاعه بهالدنيا ملا

ليتني مخطي او اني كنت بشعوري غريب
المصيبه اني انصفتك ومعطيك الولا

كل احاسيسي تجاهك عمرها ماهي تخيب
كلها من باب حب وباب توثيق الغلا

وليله ماهي لطاري حضرتك دايم تجيب
جعلها ماتكتمل والبال جعله ماسلا

غبت دون اسباب والفرقا سبايبها نحيب
اجهشت عيني وحالي تولاه البلا

لي متى وغيابك اسبابه مقادير النصيب
كنك انت وفعلك لضيقات هالصدر وكلا

الغياب اللي بدون اسباب جرحه مايطيب
وانت ماخذ هالغياب اللي بلا سبه حلا