كلمات عايز اكون
بجري ورا حاجات و حاجات تجري ورايا
بجري من نفسي و حاجات جوايا
بجري و مش عارف ليه
خايف بكره يجي و مبقاش في
عايز اكون اي حاجه او اكون اي حد
عايز احس بحاجه و اعيش بجد
و الاقي معني للحياه
و الاقي مغذي من وجودي هنا
و الاقي نفسي و تلاقيني
و اقلع الوشوش الي بيتداريني
و اقول الي نفسي في
و احس اني انا
عايز اكون
عايز اكون اي حاجه و اكون موجود
عايز اكون
عايز اكون اي حاجه و اكون موجود
عايز اكون اي حاجه
عايز ابطل اجري افتكر الطريق و اولو
عشان نسيت انا جي منين
و قومت من حلمي قبل ما اكملو
عايز اعيش زي ما كنت بتخيل
و احقق احلامي من لما كنت عيل
و لما الدنيا تضيق عليا ابقي عارف علي مين اميل
و الاقي مكان في يوم من الايام
ارجعله لما احس اني مش تمام
الاقي حد احكيله و اندهله لما ابقي تايه وسط الايام
و ارجع لنفسي و مبقاش غريب
و اقرب من الناس و مبقاش وحيد
و يكون ليا اسم ملكي انا
لما اسمعو اقول انا هنا
عايز اكون
عايز اكون اي حاجه و اكون موجود
عايز اكون
عايز اكون اي حاجه و اكون موجود
عايز اكون اي حاجه