كلمات حفيدة التاريخ

ليلةٍ عن ألف ليلٍ طاب ضيه
بدرها مريم وفرحتها هديّـه
مريم اللي كل ما فيها تباهى
قاسمية.. قاسمية.. قاسمية

مريم ومن مثل مريم يا ضياها؟
من مثلها في دلعها في حياها؟
يا حلاها.. ما مثلها الا حلاها
أذهلت بالوصف حتى الأبجدية

بنت سلطانين خير فـ كل ديره
جـدّها تاريخ مجد وعز سيره
كَن ربي ما خلق سلطان غيره
عز فخر.. وعز مجد.. ومقدريه

مريم اغلى درّه فْـ عقد الجواهر
حسنها ظاهر ولب الحسن ظاهر
كل ما فيها من بدور وجواهر
قاسمية ويكفي انها قاسمية

شارقتنا تحتفل باحلى الليالي
غاليتنا نزفّها لعيون غـالي
أحمد اللي تفتخر فيه المعالي
أكرم اهل الأرض واطيبهم سجيّه

يا عساهم دوم في خير وسعادة
والغلا فِـ قلوبهم يلقى بلاده
وكل ما حطوا وساده عـ الوساده
تمتلي الدنيا غرام وعاطفية