كلمات بنات ارض الجزيرة

يا وطن حنا بناتك فدوتك طول السنين
حنا بنات أرض الجزيرة درعها وحزامها

نستمد العزم منكم يالرجال المخلصين
والليالي تثبت إنا ذخركم لأيامها

عشت يا رمز العروبه عشت ياحامي العرين
عشت يا عطر الليالي و يا شذى انسامها

يا ملكنا يا سندنا خدمتك دنيا ودين
والنساء مثل الأصايل لا رخيت لجامها

لو يمر الدهر فينا لو تقلبنا السنين
الديار اللي ربتنا كلنا خدامها

ويا ولي العهد تامرنا خواتك مدركين
رؤيتك يا ابن الملوك اللي تعد اعوامها

دام للمرأه حصانه ودام للمرأه عوين
من مشت درب العداله ما تزل اقدامها

يشهد الله يا بلادي حبي لك حب ثمين
والسعوديه تغنت في غلا حكامها