كلمات بتسال ليه
✍️ كلمات: اسماعيل الحبروك
🎼 ألحان: فؤاد حلمي
بتسال ليه عليا
وتقول وحشاك عينيا
من امتى انت حبيبي
وداري بالي بيا
يلي بتسال عليا
ملكش دعوه بيا
بتسال ليه بتسال ليه ليه ليه عليا
سيبني لليالي اسهرها لوحدي
سيبني لذكرياتي
وابعد عن خيالي
يا اغلى ما عندي
وابعد عن حياتي
لا تبعت سلام
ولا تيجي في منام
ولا تسال عليا
ملكش دعوه بيا
بتسال ليه بتسال ليه ليه ليه عليا
ايامك نسيتها ونسيتك كمان رجع قلبي خالي
حكايه وطويتها
وكلام كان زمان
راح ويا الليالي
لا بينا كلام
ولا بينا خصام
ولا تسال عليا
ملكش دعوه بيا
بتسال ليه بتسال ليه ليه ليه عليا
حخاصم عنيا لو قابلت عنيك
و قالت تشوفك تشوفك
واخاصم ايديا لو شاورت عليك
او شاورت لطيفك
لا عمري هاعاتبك ولا هارجع لحبك
ولا تسال عليا
ملكش دعوه بيا
بتسال ليه بتسال ليه ليه ليه عليا