كلمات شبهك مش شبهي

كان اول من همس ف ودني بتكبيرات
كان اول من شالني وكمان كان اول ذكريات
مبروك اول مولود ولد هيكون سندك ف الدنيا
يشبهلك كتير هيكبر ويشيل همك كل ثانيه
يارب     قدرني واقدر اخليه احسن مني
واموت راضي عنه واعيش افتخر بأنه ابني
خلهولي راضي عني  عن حالي ويتحمل ظروفي
يارتني تعبت زمان محدش فاهم غيرى حجم خوفي
كبرت يابني وصوتك بقا بيعلي عليا
مديا اقل ما بين صحابي وانت محستش بيا
والله يابني انا ابعمل .وعملت كتير جدا عشانك
نفسى تعقل تفهم انك خلاص بقيت كبير اخواتك
انا ياما تعبت عشانك لجل تكون مبسوط
انا بحاول انشف ضهرك مش يمكن من بكرا اموت
كان نفسي تطلع شبهي راجل ف ضهر ابوه
هتبقي بعدي راجل البيت و انا مش عايزك تتوه
_________________________________________
واسافر . كام يوم وصوته مش مفارق عقلي
و ف عز نومي افوق واتخيله بيندهني
واقول خلاص هرجع . ما انا لازم اصلح غلطي
وارجع علي صوت بكى و نواح مش مصدق نظري
مــــات . ازاي وانا كنت فين ليلتها
من شاله غيرى وخد عزاه و كان واقف ساعتها
قولولي مكانه فين وعرفوني ازاي اروحله
دا مات و هو شايل ما انا كان لازم اكيد اروح و اصالحه
انا اسف يابا لو كنت ف يوم زعلتك
انا اسف لو خليتك لحظه تشيل اكتر من طاقتك
انا اسف . علي كل يوم سبتك فيه لوحدك
انا اسف لو ف يوم قضيته ف حضن الشارع مش ف حضنك
خلاص فهمك وهحاول ابقي شبهك
كان نفسي تكون معانا حالا وتبقي فخور بأبنك
هربي ابني زي ما كنت بتحاول تربي
هدعيله كل يوم يطلع شبهك وميطلعش شبهي .