كلمات قياس الروح
لي غرامه في الحشا حلي ،،، والشعر يعشق تواصيفه
يستوي بين العرب خِلي ،،، والأمر ياتي على كيفه
ياقياس الروح بالملي ،،، وتطرب أسماعي سواليفه
ليت شوفه دوم يحصلي ،،، والله إني حاسدٍ ضيفه
********************************************
وليت قربه لي شرا ظلي ،،، مِتعبني في الملا طيفه
لي بحقي مول مازلي ،،، غيمةٍ للعمر في صيفه
يوم فيني الوقت مختلي ،،، بانت بعيني مواقيفه
لو طلبني مالي وكلي ،،، فدوةٍ لِه لو شِهَر سيفه
********************************************
في عيوني غيره مْولي ،،، نفسنا عن وده معيفه
وحده الي حازني ويلي ،،، للفواء أغلى مواليفه
تل قلبي بالهوى تلي ،،، والولع معروف تعريفه
إن لفاني كل شي يهلي ،،، والمكان يزيد تشريفه