كلمات الشيله وقعت
✍️ كلمات: مصطفى حسن
🎼 ألحان: مصطفى العسال
الحزن ليه مديني انا الكوم الكبير
والفرح بردو ف صفه وقفني الاخير
لفيت بجرحي كتير ومالقتلوش دوا
ف القلب شرخ بس الظاهر الثبات
موجوع وبتالم لوحدي من سكات
من كتر صبري الصبر عظملي انتباه
الشيله وقعت مني ومش قادره اشيلها
نفسي اعرف سكه راحتي بقى مين قافلها
ما فيش ضحكه فاكرها مافيش ولا فرحه مسجلها
ياللي طمعان ف حياتي خدها وهاتلي غيرها
طول عمري ع الابيض بامن ف السريع
وادي النتيجه طلعت مخموم ف الجميع
كل اللي خيري عليهم نسيوا مااقدروش
ف الوش ضحكه تقول حبايبي اخوات شقايق
ومبهدلني ف ضهري قالوا كلام يضايق
بس انا اللي غلطت هما مايتلاموش