كلمات جاملتهم لـ

يسكني الخوف والتفكير يطويني
والليل شكله كئيب وضاعت الدبره

هقيت بالطيب بس الطيب معميني
والطيب هاقي وانا ماني على خبره

جاملتهم لين ضاقت بي شراييني
والواحد احيان ما يقدر على صبره

اللي يبيني لو اخطي ما يخليني
يتصاغر الذنب لو الذنب وش كبره

ماني نبي اتحمل كل ما يجيني
احيان ابكي من الاحساس والخبره

واحيان احس مابه شي يبكيني
ولا اعتبر شي ماني قادر اعتبره

ولا فيه داعي على نفسي توصيني
ولا تختبر قلب ما يحتاج تختبره

اعامل الناس في نهجي وفي ديني
الا انت اعاملك بالعشره وبالخبره

والواجب انك بعد كسري تداويني
لا تكسر انسان ما تقدر على جبره

كتبتك بكل بيت في دواويني
شاعرك ما زال مبدع ما خلص حبره

لا تسمع الناس لو الناس تبليني
حبيبك ان طال حزنه ما قصر شبره

الله خذا مني اللي كان معطيني
جلا جلاله وسبحانه ويا كبره

يرضيني تروح طبعا لا ما يرضيني
الامر بيديك بعد الله والدبره

والحين فكر قبل لا تطيح من عيني
قبل ادفن الحب واصلي على قبره

ان جيتني جيت تايب رافع ايديني
وان رحت زان القصيد وزانت العبره

أغنية جاملتهم – سعود الصليلي
Hassan Alattar – At’thekerek

المزيد من أغاني سعود الصليلي
حبيت بضمير
من يومها طفلة
الطرف الكحيل
اعاتبها
ليش تبعدني