كلمات يستحق الغرام ويستحق المحبة
يستحق الغرام ويستحق المحبه
واحد ماخذ قلبي وزود حنيني
في كلامه وذوقه والحلا مايشبه
مرضي والديه ومرضي والديني
في جنوب الوطن رابي وفيها مربه
راعي النظره اللي تذبح العاشقيني
العيون النواعس كن عليها مطبه
من كلاها دخل في عالم التايهيني
مهرة خلفها قوم لها محتيميني
الجمال الطبيعي ماخذه من مصبه
لابسات العبي وناقشات اليديني
السنع والنشامه ميزة مستحبه
في بنات السعوديه عمى الحاسديني
حشمة عارفنها كل من خاف ربه
والحيا اللي يجمل وجنة المستحيني
فيهم الثقل ماراحو ورى كل هبه
يعرفون الرخيص ويعرفون الثميني
زينهم زين من ربي ولحد لعبه
ماهو صناعة التجميل يامسلميني
ساجيات العيون ورقة الياسميني
ماوجد باليمن والشام ماينوجد به
الجمال السعودي الأول بكل حيني