كلمات طعم الليالي

بتغيب فى البعد ياما
وانا باستـنـاّك ياغالى
تحرمنى الابتسامه
وجمال طعم الليالى

ولا مرّه سألت فيّه
والناس بتلوم عليّه
والدّمعه اللىّ ف عنيّه
كشفت للكل حالى
,,,,,
دايما بتقول لى بكره
واليوم مابـينـتهيش
وسايبلى ف قلبى زكرى
تموّتنى عشان تعيش
وباخاف تكتر ذنوبى
أو حدّ يشوف عيوبى
لو قولت لنفسى مرّه
انسى وماتفكـّريش
ويطول هجرك عليّه
واتعوّد ع الأسيّة
وتبان دمعة عنيّه
تكشف للكل حالى
,,,,,,
وساعات بالمح صحابى
حبايـبهم موجودين
آخد على خاطرى منـّك
ويعذبنى الحنين
واتمنىّ لو تجينى
فى الحال يانـِنّ عينى
واللىّ بينك وبينى
يتلمّ ف كلمتين
وانسى اللىّ فات ياروحى
أيّام تعبى وجروحى
واتهنىّ بيك ياغالى
ويحلى طعم الليالى