كلمات أعتذرلك

كله إلا إنت تزعل يا مدور رضاي
أعتذرلك ولا أسأل عن وش أخطيت فيه
إيه مخطي ونادم وأعتذر عن خطاي
وأبشر بكل ما تآمر عيونك عليه

تبتسم لي ودمعك تذرفه من وراي
ظنك إني ما أعرفك تخفي الدمع ليه
أعرفك من خطاوي مشيتك وإنت جاي
حتى صمتك أعرفه وأعرف اللي يبيه

قسوتي دون مدري بينت لي غلاي
وطيبتك وإنت تدري عشق ماله شبيه
إنت لا قلت أحبك يتسع لي فضاي
والسوالف تطيب وخاطري تحتويه

كل ليله بدونك ما توافق هواي
وليل يبدأ بصوتك علني ما أنتهيه
قالوا الناس تزعل قلت أخف لسماي
بس لا يزعل أغلى الناس وما أقدر أجيه