نيتي مواجه و قلبي قدها لو تشوفه صعب في عيني يسير لا تعاتب خذ جروحي عدها من بدايات المحبه للاخير لك عطيت من المشاعر حدها شاهدي قلبك و عيونك بصير للوصل مديت كفي مدها هات كفك لا تردد لا تحير ادري قربي فرح عينك سعدها لا تضيعنا قد ضاع الكثير وتدري قربك فرح عيني رغدها راضي بظلمك لو تطغى و تجير كل خطواتي لدربك قصدها وبين ضلعينك بقى قلبي اسير اقترب خلنا نهنى و بعدها كل ما ترغب لعيونك يصير