كلمات كائن فضائي

الحب اللي ف الاول ده
والورد الاحمر والهدايا
بعد الجواز بيكونوا ايه
بيكونوا نار جوا الدفايا

يتقفلوا الاربع حيطان
وكل المستخبي يبان
يتقلب الموضوع جنان
ويبدا دور الشيطان

وخد الزباله معاك
هاتلنا عيش وانتا جاي
تغلط مش مسمحاك
تاكل لحمك ني

مشاكل كل يوم
بتحارب هرمونات
ارجوز متشوفش نوم
عايش واحد مات

انا انا انسان عادي
انا انا مش كائن فضائي

الاهتمام مبيطلبش
ودي اسطوانه بييجوا بيها
نكد وزن وهري افش
والفسوه هتتحاسب عليها

تتاخر تلقي لوي بوز
ظابط قاعدلك بالتحقيق
تدافع مين ده لا يجوز
هتموت هتموت بالبطئ

اسمع من خبره وقديم
اهم حاجه الاحتواء
الكلمه الحلوه في الصميم
وخلي عندك انتماء

اديها وقتك كله ليها
دي تحتويك تديك عينيها
فرده عضلاتك دي خليها
ف الجيم نستنفع بيها

بسيطه بسيطه سهله وبسيطه
عديها جاريها هتلاقي الدنيا عادي

الكائن الحلو اللطيف
والله دولا طيبين
يتحتلوا مركز ف التصنيف
نمره واحد ف المجانين