كلمات المرايا

‎باصص في المرايا
‎علي وشي ابتسامة
‎متحمس للبداية هاي
‎طاير بجناحات يا
‎هالمس السحاب يا
‎رايح حته تانية هاي
‎بداية الحكاية
‎بصة في المرايا
‎ابتدت الحكاية
‎من بصة في المرايا هاي

‎سبت ال
Full Time
و جيت
‎اشتغل شغل حر و اعمل مزيكا
‎شلت ال
Stress
من حياتي مسحته بأستيكة
‎ابتديت بداية جديدة جوه و بره فابريكا
‎دورت! عادي جدا لو اتأخرت
‎مش واخد قرض و ف مسؤولياتي ولا ما جصرت
‎قررت ماحكّمش حد فيا
‎و امشي في اي لحظة لو حسيت اني ماتقدرتش
‎كل اللي انا عايزه اني انام هادي
‎من غير ماحد يجي يزن علي دماغي
‎و اشتغل وقت ما ابقي عايز بمزاجي
‎و اللي هيقرفني هنزله من علي وداني
‎و اقفل التليفون
‎و امسك الريموت
‎بتحكم في حياتي زي مانا عايز
‎في أيدي الكنترول
‎العب اي دور
‎بختار بمزاجي طول مانا شايف
‎اني عامل اللي عليا
‎دي سهلة
‎صعب اعيش من غيرك
‎لا دا من جهلك
‎اروح لحد تاني
‎يجي لوحده احلي
‎الدنيا مش مستاهلة
‎احساس اني مستهلك
‎انك تاخد وقتي و مجهودي و حياتي و برضه مش عاجبك
‎توعدني وعود فارغة و كذابة عشان خايف على مستقبلي بصدق
‎بس أتصدق
‎خلتني ابص في المرايا و ادقق
‎و اعرف اني مش محتاج لك
‎أنا

‎باصص في المرايا
‎علي وشي ابتسامة
‎متحمس للبداية هاي
‎طاير بجناحات يا
‎هالمس السحاب يا
‎رايح حتة تانية هاي
‎بداية الحكاية
‎بصة في المرايا
‎ابتدت الحكاية
‎من بصة في المرايا هاي