كلمات وسعت منه

دى وسعت منه ع الاخر
ده عامل انه مش فاكر
ملامحى وكل ما بقرب
بيبعد عنى يتاخر

نسى نفسه اللى كبرته
ف ضعفه كتير انا شيلته
ده كان يتمنى يوم اقابله
ولو بالصدفه اجيب سيرته

طلع له صوت بيتكلم
كلام جارح ودمه تقيل
وانا اللى عشت طول عمري
ف همه ووجعه ياما بشيل

ده عاش عمره وكان حلمه
يشوفنى دقيقه كان امله
يا اسفى يا قلبى ويا ندمه
على حد ف يوم عمله

بينكر انه يعرفنى
يدور وشه لو شافنى
وناسى انه من فتره
مكانه مكانش غير حضنى

دى وصلت انه يتجرا
عليا ومنى يتبرا
هوايا ده شايفه كان غلطه
وورطه بجد ده مصدق

ياريتنى خدت ليه صوره
ف اول مره انا شوفته
عيونه حزينه مكسوره
وخدت بايده وعملته

ده عاش عمره بيترجا
ف قلبى يكون عليه راضى
ف عشقى ده كان بيتهجا
وشايفه اقل م العادى