كلمات اجل عتابك

اجل عتابك حبيبي في عيوني لك كلام
‏السكوت اللي ملاني ضاع بك من قلت ليه

‏ليه احبك منت عارف قبلك الدنيا ظلام
‏جيتني شمس بضياها نورت كل الوجيه

كيف الومك وامنياتي كانت اني لما انام
التقيك بحلم عابر وان بطى عني اجيه

‏لا يهمك ماضي عمري عشت بوصالك زحام
‏وين ماوجهت وجهي شفت لك مئة شبيه

‏انت ياقبلة سنيني كيف ابوصف هالغرام
‏قلبي لقلبك هديته انت اولى الناس فيه

‏سولف اكثر ياحبيبي موت اسباب الخصام
‏الدفا اللي فعيونك من متى وانا احتريه

‏جيتك انسى مابي تقسى ودي اشعر بي تمام
‏لا تخليني بدونك دامك انت اللي ابيييه

‏واوعدك اني اجدد حبي لك في كل عام
‏وان كبرنا الا حبك قلبي مايكبر عليه