كلمات لحقتيني

فات عمري مني كاني قبلك متولدتش
دي الحاجة اللي انا بس عايزك تعرفيها
فات عمري مني ومن حياتي مستفادتش
غير لما شوفتك جنبي ومشاركاني فيها

لحقتيني من التوهة اللي واخداني
من الوحدة اللي قتلاني
من الغربة اللي جوايا
من الدنيا اللي تعباني
ومن ايام كانت دايما معنداني

لحقتيني وانا لقيتك مدفية
حياتي لما اتداريتي فيا
سنين عمري اللي قبليكي
علي سنين عمري بعديكي
عشان احبك دي فترة مش مكفية

مين في الحياة الا انتي ممكن اعيش عشانه
حبك ده كان اخر امل في الدنيا ديا
ايه الا حضنك ممكن اتدفى في حنانه
فين الا جنبك قلبي يتطمن عليا