كلمات حسك وجودي

حسك وجودي وانتي بالدنيا عندي
وانتي في قلبي الاولى وانتي الاخيرة
وهالحب لو ينشاف وابوح سدي
شفتي من الاحساس ما يكفي ديرة

ويا عايشة بقلبي انا الود ودي
روحي اقدمها لعينك اسيرة
وان راحت لعيناك يا منهو قدي
اشهد وهذي الخيرة لا قالو خيرة

احساس ارقى من الغرام
مو حب عادي والسلام
الله يعلم وشكثر
شايل لك بقلبي كلام

كل شي بك ينحب طيب و تحدي
هبية و شموخ و روح واشيا كثيرة
مدري وش اوصف فيك ولا شعدي
وكلك على بعضك يا انتي مثيرة

حصنتك بقلبي واحاسيس ودي
بسم اللي خالق زينك و نستخيره
زينك هذاك اللي انخلق للتفدي
افداه انا و يفداه غيري وغيره

احساس ارقى من الغرام
مو حب عادي والسلام
الله يعلم وشكثر
شايل لك بقلبي كلام

بك يا سعد عين تراك و ياسعدي
وجهك صباحي العذب واحساسي طيره
وش قد احبك مدري بس انتي عدي
حبك فضا و يجري في دمي اثيره

كل حاجة منك حلوة ع القلب عندي
حتى التفاصيل البسيطة كبيرة
الا غيابك يقلب الفرحة ضدي
ويخلي هالدنيا في عيني صغيرة

احساس ارقى من الغرام
مو حب عادي والسلام
الله يعلم وشكثر
شايل لك بقلبي كلام