كلمات سيدنا
✍️ كلمات: عبد الرحيم منصور
🎼 ألحان: بليغ حمدي
على قد ما حبينا وتعبنا ف ليالينا
الفرحة في مشوارنا تاني ح تنادينا
طول ما القلب صافي بحر العشق وافي
وكل عذاب الدنيا حيروق بكرة لينا
بس امتى ليالينا ع الحلم ترسينا
بين أيوه ولا... الحب بنلقاه
ما أحلى الحياة باصحابنا وأهالينا
وعذاب الحياة لما نكون وحدينا
لو نروق حيجينا كل ما تمنينا
على قد ما حبينا وتعبنا ف ليالينا
الفرحة في مشوارنا تاني ح تنادينا
لو ممكن تطيب أحزان الحبيب
شمس الحب تطلع من بعد المغيب
بس امتى امانينا تيجي و تدفينا
ليه ما نكونش ذكرى في الليلة الجميلة
ليه ما نكونش غنوة للرحلة الطويلة
داحنا ياما شقينا من يوم ما اتنسينا
لو نروق حيجينا كل ما تمنينا
على قد ما حبينا وتعبنا ف ليالينا
الفرحة في مشوارنا تاني ح تنادينا