كلمات العز

العز في وجيه الرجال المفاليح
اللي ملامحهم شموخ وكرامه
شم الانوف منازله كل زحزيح
ما تقبل بعيش الضعف والسلامه
حمر النواظر لا اشتكى الجسم تجريح
قادح شرار العين ينور ظلامه

تضرب بسيف يقسم الغيم والريح
يعكس شعاع الشمس لمعه حسامه
دار السعودي ما استقلت بتصريح
ما داسها استعمار والعز هامه
حره من ايام الفقر والتباريح
تشبع بتمره والمباني خيامه

كشر بنابك ترهب السبع ويطيح
وفي الوجه غضبه مثل فيه ابتسامه
واللي بدا لا ينثني قبل تصحيح
دايم ورا كسب الكرامه غرامه