كلمات الناس بتاكل بعض

نفسي اقول اه ✤ م اللي الكتاف شايلاه

لا اللي وقفت معاه ✤ و كان لا مال ولا جاه

اما الزمن اداه ✤ اتغر ع اللي بناه

و كبره و علاه ✤ بقى اوطى خلق الله

الناس بتاكل بعضها انزل و شوف

هتلاقي ناس من فجرها و من الظروف

مابقوش يسموا ع الضعيف ✤ ولا يقسموا بينهم رغيف

شايلين قلوبهم منهم ✤ و معلقينها على الرفوف

سلفت كل الناس شهامة ✤ زي ما قال الكتاب

جينا نتحاسب قالولي ✤ الحساب يوم الحساب

عيشت احب الناس بجد ✤ عمري ما اذيت اي حد

بس يظهر طيبتي يا عيني ✤ وقعتني في سكة سد

ليه الغلط بقى كله صح ✤ و الوفا يترد جرح

ايه اللي جرا ف الدنيا دة احنا ✤ ياما كلنا عيش و ملح

►◥◣◥◣◥◣◥◣◄

تعبت من الاعيبهم ✤ و شيطانهم اللي غالبهم

حبة بشر ملهاش قلوب ✤ ولا رحمة جوة قلوبهم

شايل هموم فوق طاقتي ✤ بقول نصيبي و بختي

احب ناس كارهاني ✤ و اروحلهم بإرادتي

سلفت كل الناس شهامة ✤ زي ما قال الكتاب

جينا نتحاسب قالولي ✤ الحساب يوم الحساب

عيشت احب الناس بجد ✤ عمري ما اذيت اي حد

بس يظهر طيبتي يا عيني ✤ وقعتني في سكة سد

ليه الغلط بقى كله صح ✤ و الوفا يترد جرح

ايه اللي جرا ف الدنيا دة احنا ✤ ياما كلنا عيش و ملح

►◥◣◥◣◥◣◥◣◄