كلمات على البلاط المملكي
✍️ كلمات: عبدالرحمن الحوتان
🎼 ألحان: سهم
على البلاط المملكي زفوا اثنين
مثل القمر والشمس نور يتشابه
مضاوي الليلة غدت قرت العين
لمحمد اللي زين الله شبابه
يا فرحة الليلة بقى ذكرك سنين
عطر فتح على المحبين بابه
الليلة اكثر من لفونا محبين
على السعة يا مرحبا والرحابه
بنت الملك امام كل المسلمين
عبدالله اللي له مقام ومهابه
خذها حفيد الجود ورث اهل جدين
محمد بن فيصل عسى عزنا به
سلطان جده فوق كل السلاطين
عساه بالجنات بين الصحابه
ما زال حبه في قلوب الملايين
الشمس تشرق في سما من حكى به
وسعود راعي الطيب والجود والدين
سيل الصخى في سعود سيل السحابه
الغالي الوافي سليل الميامين
ما خاب من يخناه وحط الرجى به
غنى القميري فوق سدر البساتين
على رياض الحب صوته شدى به
الليلة اكثر من لفونا محبين
على الرخا يا مرحبا والرحابه