كلمات ما تكدبيش

ما تكدبيش يا شمس وتغيبي
ما تشجريش العتمة في دروبي
فاتت ليالي كتير كان الهوا مشاوير
والقلب كان بيطير ويوشوش العصافير
كان فجر لونه مصير
ما تعاهدنيش ياشمس وتغيبي
انا مش انا والصبر مش هوا
مخنوق ما بين الصورة والغنوة
ضاعت سنين وسنين
الغصن كان غصنين
والحلم كان قلبين
ع الفجر متعاهدين
ع الصبر متقاسمين
ما تضمنيش يا شمس وتغيبي
حبيبي غاب والخطوة مكفية
حبيبي ضاع والغنوة منفية
الورد ليه مقطوف
والغصن بات مكشوف
والحلم ضاع في الخوف
والشمس ليه بتغيب والجرح ما بيطيب
ما تجرحيش يا شمس وتغيبي