كلمات أغلى مكان - E.G.C (مع جنا الطنيخي)

فيه حاجة ساعات بتكون جنبك و مابتشوفهاش
بتسيبها و تمشي و بتنسى و تمر سنين
و فيه حاجة نفارق و نسيبها، انما بتعيش جوا قلوبنا
بتغيب الشمس إنما روحها ازاي بتغيب

فيه فرق ما بين جسم بيمشي و روح مابتمشيش
و اللي انتي اكيد سايباه مابيننا ضد النسيان
فرحتي كتير و اهو جه دورنا، و ليكي نكمل مشوارنا
اصل مفيش في الدنيا دي اغلى ولا أحلى مكان

و عشان اجيال بعدنا جايين
يفضلوا فاكرين يفضلوا عارفين
و عشانِك حتة منا، و ذكراكي في قلوبنا
يفضل اسمِك معانا سنين و سنين

و عشان اجيال بعدنا جايين
يعرفوا تاريخ و حياة و سنين
ازاي كبرتي منا، واللي عملتيه عشاننا
و هتفضل كل الأجيال مش ناسيين

قدام عيني بيمر شريط أجمل أيام
من اول يوم لينا معاكي و احنا خايفين
اهالينا يقولوا ان ده بيتنا، ده كلام بيطمنوا بيه قلوبنا
مجرد بس عشان نرضي نفلت مالإيد

و تعدي سنين و انتي بتبقي أحلى ما في اليوم
مين يقدر ينسى أيامنا مع أحلى صحاب
ده في كل مكان فيكي قعدنا، مع أول شلة في حياتنا
و لقينا إن إنتي بقيتي أغلي من البيت

و عشان اجيال بعدنا جايين
يفضلوا فاكرين يفضلوا عارفين
و عشانِك حتة منا، و ذكراكي في قلوبنا
يفضل اسمِك معانا سنين و سنين

و عشان اجيال بعدنا جايين
يعرفوا تاريخ و حياة و سنين
ازاي كبرتي منا، واللي عملتيه عشاننا
و هتفضل كل الأجيال مش ناسيين

و ادينا وصلنا لليوم اللي بنمشي فيه
آه لو نقدر نرجع تاني، و جواكي نعيش

و عشان حبنا ليكي وعدنا
من الليلة هنبدأ في طريقنا
و نفضل رافعين اسمك يا EGC