كلمات كلمات اغنية شبر وانصاف

يلي شراتك كيف ينعاف
محدٍ يعوف الشوف بالعين
انته عيوني و انت مولاف
شخصك تمرّكز فالشرايين

وان كان عرق القلب ينشاف
كانو المحوك الناس ذلحين
دقات قلبي صارت اخفاف
عن لا اتضايق قلبي ارزين

عرقٍ ف قلبي حيل دفّاف
ضخ المحبه بينك و بين
روحك و روحي حد الاسراف
لين استون فِ الجسم روحين

اكيد جسمي يصير رفّاف
ساعة لمحتك طاغي الزين
طرفك ذبوحي مول مَ راف
خدك يشابه لمعة لجين

ليلٍ ف شعرك عَم لطراف
و ثغرك عليه الشهد بـ يبين
خصرٍ تقيسه بشبر و انصاف
شكله يشابه عكس قوسين

فيك المزايا عَد و ارضاف
امن المحال آخط بيتين
من زود حبّك سرت طوّاف
وسط الحرم بين المصلين

ادعي و دمعي هلّ عفّاف
الله يعجّل شوفك الحين
وان كان عرق القلب ينشاف
كانو المحوك الناس ذلحين

دقات قلبي صارت اخفاف
عن لا اتضايق ؛قلبي ارزين